Un home fala e fala e fala. O que nos conta, con palabras torpes e frases áxiles, fainos rir, mais é tremendamente serio e triste. Un libro paradóxico e extraño coma o delirio dun idiota, ousado e implacable coma unha prédica calvinista, desesperado e sincero coma as últimas palabras dun condenado e inútil coma un libro de oracións. Múltiples historias, personaxes, linguaxes, rexistros literarios... Un mundo fragmentado, caótico e roto pero cunha trama subterránea cerrada e fatal coma a da traxedia. A madurez e o froito da aventura literaria emprendida por Suso de Toro hai anos. Un libro poderoso e fecundo para disfrutar lendo, relendo, e que dará moito que falar.