Чарговая сэрыя кнігі “Чэская калекцыя” на радзіме аўтара ўжо сталася культавай.

Яраслаў Рудзіш сам пражыў два гады ў Бэрліне і з пачуцьцём канспэктуе забруджаную жыцьцём мову галоўных і эпізадычных пэрсанажаў, што блукаюць падземнымі артэрыямі вялікага гораду. Кніга напісаная захапляльным тэмпам, сучасна, да таго ж забаўна. Нонканфармісцкі сюжэт знайшоў водгук ня толькі ў маладых чытачоў ці аматараў Віма Вэндэрса і панк-рок-музыкі, але і ў тых, хто яшчэ памятае ГДР, плястмасавых індзейцаў і прагрэсіўнага сьпевака Дына Рыда. Раман ужо выйшаў у перакладах на нямецкую, польскую, сэрбскую мовы і быў тройчы адаптаваны для радыё.